Bening

Teringet aku kin cerite ni tetuen te..
Kunul sara duk ratib sara anguk...
Suntuk terbayang aku ku masa si lalu...
Beru berine bujang berama...

Ku pengen ejer marah ni ama..
Gere lupen aku kin edet te si ara..
Ku amalen manat putenah ni ine..
Gere lupen aku kin Ukum ari masa reje linge..

Edet menukum musifet ujud..
Ukum munukum musifet kalam..
Edet sifetni resam, resam inti ni edet..
Edet atan astana, hukum atan agama..

Besilo jarak musirang ari edet te...
Ukum te mulayang I tetayang bade..
Bersatumi kite urang Gayo...
Murum mi kite lagu i sedenge...

Enti kire ara uken urum toa...
Buge kire jarakmi seteru urum bele..
Gelah I osopen baur urum paluh...
Rempak bersusun mi kite lagu blo I batil tembege...

Dewe hadis ulaken ku firman...
Dewe edet ulaken ku empuwe...
Edet turah berujud Fi'il turah berupe...
Semi turah bertubuh...

I engon sareh I panang nyata...
Amat mutubuh pangan murasa..
Kuet edet muperala agama...
Rengang edet benasa nama...